" വിഗതകുമാരന്‍ " പ്രദര്‍ശനം നന്നായി തുടങ്ങി ആലപ്പുഴയില്‍ !

FB

" വിഗതകുമാരന്‍ " പ്രദര്‍ശനം നന്നായി തുടങ്ങി  ആലപ്പുഴയില്‍ !
________________________________________________
തിരുവനന്തപുരത്ത്  റിലീസിങ് നാളില്‍ത്തന്നെ തിയറ്റര്‍ ആക്രമിച്ചു എന്നു പറയപ്പെടുന്ന ആദ്യ മലയാള സിനിമയാണു  " വിഗതകുമാരന്‍ "  .   എന്നാല്‍ , അതിനു ശേഷം 24 നാള്‍ കഴിഞ്ഞപ്പോള്‍  (  1930 നവംബര്‍ 16 , ഞായര്‍ =  1106വൃശ്ചികം 1 ) ആലപ്പുഴയില്‍ ആ സിനിമ നന്നായി പ്രദര്‍ശനം തുടങ്ങി ! ആ വാര്‍ത്തയാണു ഇതോടൊപ്പമുള്ളത് ( നസ്‌റാണി ദീപിക , മാന്നാനം ,  1930 നവംബര്‍ 18 , പേജ് 4 , കോളം 3 , പുസ്‌തകം 45, ലക്കം 257 ) .    ഒക്റ്റോബര്‍ 28-ന്‍റെ   ന. ദീ . യില്‍  , ആയിടെ     [  പ്രചരിച്ചിട്ടുള്ള  ക്ഷണക്കത്തില്‍ കാണുന്ന പോലെ   23-ന്  ?  ]    ഈ സിനിമ  തിരുവനന്തപുരത്ത്  റിലീസ് ചെയ്തതിനെക്കുറിച്ച്  വളരെ നല്ല അഭിപ്രായത്തോടെ ,  "  ശ്രീമാന്‍  എം . ഗോപിനാഥ്  "  എഴുതിയ ലേഖനം ചേര്‍ത്തിട്ടുണ്ട്  (  പുസ്‌തകം 45 , ലക്കം 260  , ചൊവ്വ  , പേജ്  1 , കോളം  2-4 ) . " തിരുവിതാംകൂര്‍കാര്‍ ആദ്യമായി ഉണ്ടാക്കിയ ചലനചിത്രം "  എന്നാണു തലക്കെട്ട് . വിഗതകുമാരനെക്കുറിച്ചുള്ള നമ്മുട അന്വേഷണങ്ങള്‍ക്ക് വളരെ ഉപകരിക്കും ഈ വിവരങ്ങള്‍  (  യഥാര്‍ഥത്തില്‍ ,  നമ്മള്‍ ആ അന്വേഷണം തുടങ്ങിയിട്ടേയുള്ളൂ  ) .